Адкрыты занятак «Музычныя інструменты»

Адкрыты занятак па тэме самаадукацыі «Музычныя інструменты» правяла выхавальнік центра Алена Алегаўна Якубашка.

Занятак прайшоў з выкарыстаннем разумнай кнігі «У свеце музыкі». Галоўная мэта мерапрыемства – развіццё музычнага слыху і рытму ў дзетак, замацаванне навыкаў вызначэння тэмбру голасу.

Выхаванцы адгадвалі музычныя загадкі, распазнавалі на слых тэмбры музычных інструментаў - арфы, трубы, арган, барабан, бубен і інш., а яшчэ навучыліся азвучваць народную пацешку на дзіцячых музычных інструментах.

Завяршыўся занятак творчай працай: хлопцы і дзяўчаты размалявалі малюнкі музычных інструментаў у тыя колеры, у якіх яны хацелі б бачыць іх заўсёды.