Ужо на працягу амаль 4-х гадоў Гродзенскі раённы СПЦ рэалізуе гуманітарны праект “Скарбы малой радзімы”.

У рамках рэалізацыі праекта функцыянуе музейны куток «Беларускi збаночак», у якія сабраны ганчарныя вырабы розных гадоў і з розных куткоў Беларусі. Па музейным кутку праводзяцца экскурсіі для выхаванцаў і гасцей цэнтра. Гэта яшчэ адна цудоўная магчымасць дакрануцца да гісторыі і традыцый беларускага народа.

З надыходам вясны прырода ажывае, напаўняецца і ззяе новымі колерамі. Так і наш куток працягвае сваю дзейнасць з новымі сіламі… і новымі экспанатамі! На пачатку сакавіка куток папоўнілі карта нашай краіны, на якой адзначаны ганчарныя майстэрні, і беларускі народны касцюм для дзяўчынкі.